कडोलीत गवत गंजीला आग, 15 हजारांचे नुकसान

कडोली : येथील गवत गंजीला आग लागून सुमारे 15 हजार रुपयांचे नुकसान झाल्याची घटना मंगळवारी सकाळी कडोली येथे घडली. येथील वैजनाथ गल्लीतील कलाप्पा पिराजी बोकडे यांच्या परसातील गवत गंजीला अचानक आग लागली. परंतु त्या ठिकाणी आग विझविण्यासाठी कोणतीही नळपाणी योजना नव्हती. त्यामुळे आग आटोक्यात आणण्यात यश आले नाही. लागलीच अग्निशमन दलाला पाचारण करण्यात आले. पण बंब येईपर्यंत बहुतांशी गवतगंजी जळून खाक झाली होती. वारा विरुद्ध दिशेने वाहत होता. त्यामुळे जवळ असलेल्या अनेक गवतगंजींना आग लागली नाही. अन्यथा मोठा अनर्थ घडला असता.