वास्को : चुकीच्या दिशेने आलेल्या एका कारला वाचवण्याच्या प्रयत्नात कदंब बसने रस्त्याकडेच्या कुंपणाला धडक दिली. हा अपघात रविवारी सकाळी चिखली दाबोळीतील महामार्गावर घडला. सुदैवाने या अपघातात कुणीही जखमी झाला नाही. कदंबची वातानुकुलीत बस पणजीहून वास्को शहराच्या दिशेने येत होती. चिखलीतील आस्मा बारजवळील वळणावर एक कार चुकीच्या दिशेने आल्याने बस चालकाने त्या कारला धडकेपासून वाचवण्याच्या प्रयत्नात रस्त्याच्या कडेला असलेल्या दगडी कुंपणाला धडक दिली. यात बसच्या दर्शनी भागाचे नुकसान झाले. अपघात घडल्याचे समजताच जवळपासचे लोक मदतीसाठी धावत आले. मात्र, सुदैवाने या अपघातात कुणीही जखमी झाले नाही. वास्को पोलिसांनी या अपघाताचा पंचनामा केला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
