सप्टेंबर महिन्यात ओटीटीवर एकाहून एक सरस वेबसीरिज पाहता येणार आहेत. याचपैकी एक सीरिज आहे ‘काला’. डिस्ने प्लस हॉटस्टारने याचा ट्रेलर जारी केला आहे. 15 सप्टेंबर रोजी ही सीरिज प्रदर्शित होणार आहे. ट्रेलरची सुरुवात अविनाश तिवारीकडून नमन आर्य नावाच्या व्यावसायिकाचा भांडाफोड करण्याच्या योजनेद्वारे होते. त्याचा खरा व्यवसाय हा ‘रिव्हर्स हवाला’ असतो. या ट्रेलरमध्ये आयबी अधिकारीकडून कालाचा पाठलाग केला जात असताना त्याच्या गुन्हेगारी जगतातील शक्तीची झलक दाखविण्यात आली आहे. भूषण कुमार, कृष्ण कुमार आणि बेजॉय नांबियार यांच्याकडून निर्मित या सीरिजमध्ये अविनाश तिवारी, रोहन विनोद मेहरा, निवेथा पेथुराज, ताहेर शब्बीर, जितिन गुलाटी, एलीशा मेयर, हितेन तेजवानी यांच्यासह अन्य कलाकार दिसून येणार आहेत. आयबी अधिकारी, गुन्हे, सत्ता आणि सूडाग्नीसोबत या सीरिजमध्ये बरेच काही पहायला मिळणार आहे. अभिनेता म्हणून आम्ही नेहमीच भावना अन् कहाण्यांच्या मिश्रणात बुडून जातो. ‘काला’ने मला शक्ती आणि भ्रष्टाचाराच्या एका नव्या स्तराची ओळख करून दिल्याचे अविनाश तिवारीने म्हटले आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
