मुंबई : के रहेजा कॉर्प या बांधकाम क्षेत्रातील कंपनीने मुंबईत लक्झरी प्रकल्प उभारण्याचा विचार चालवला असून याकरीता सिनेविस्टा लिमिटेडशी तसा करारही करण्यात आला आहे. सदरच्या प्रकल्पासाठी 272 कोटी रुपये खर्च केले जाणार आहेत. सिनेविस्टा लिमिटेडकडे प्रकल्पासाठी लागणारी जमिनीची मालकी आहे. कुर्ला भागात 15 हजार 817 चौ. मीटर इतक्या क्षेत्रफळाच्या प्लॉटवर सदरचा नवा लक्झरी रहिवासी घरांचा प्रकल्प साकारला जाणार आहे. यामध्ये विकासक कंपनीचा वाटा 75.5 टक्के इतका तर मालकाचा (सिनेविस्टा) वाटा 24.5 टक्के असणार आहे. सध्याला या प्रकल्पाचा आराखडा अंतिम केला जात आहे. लक्झरी घरांच्या प्रकल्पांना मिळणारा वाढता प्रतिसाद पाहूनच रहेजा कॉर्पने सदरचा नवा प्रकल्प उभारण्याचा संकल्प सोडला आहे. मागच्या महिन्यात जुहू भागात रहेजा कॉर्पच्या अल्ट्रा लक्झरी प्रकल्पाच्या कामाची सुरुवात झाली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
