साईराज चषक क्रिकेट स्पर्धा
बेळगाव : प्रमोद पालेकर क्रिकेट अकादमी आयोजित साईराज चषक 13 वर्षांखालील अंतर क्लब क्रिकेट स्पर्धेत शुक्रवारी खेळविण्यात उपांत्यफेरीच्या सामन्यातून के. आर. शेट्टी किंग्ज लायाज संघाने युनियन जिमखान्याचा 4 गड्यांनी तर निना क्रिकेट अकादमीने बेळगाव स्पोर्टस क्लबचा 6 गड्यांनी पराभव करून अंतिम फेरीत प्रवेशत केला. आदर्श पाटील व सुप्रित बुरुड यांना सामनावीर पुरस्कार देण्यात आला.
व्हॅक्सिनडेपो मैदानावर खेळविण्यात आलेल्या पहिल्या उपांत्य फेरीच्या सामन्यात युनयिन जिमखाना संघाने प्रथम फलंदाजी करताना 22 षटकात 5 गडी बाद 129 धावा केल्या. त्यात मोहम्मद हमजाने 27, कौस्तुभ पाटीलने 5 चौकारांसह 26, शाहरुख धारवाडकरने 3 चौकारासह 24 धावा केल्या. के. आर. शेट्टीतर्फे स्वयंम खोतने 4 धावांत 2, खांडू व गौरव यांनी प्रत्येकी 1 गडी बाद केला. प्रत्युत्तरादाखल खेळताना के. आर. शेट्टी लायाज संघाने 20 षटकात 6 गडी बाद 130 धावा करुन 4 गड्यांनी जिंकला. त्यात आदर्श पाटीलने 4 चौकारांसह 36, यश चौगुलेने 19 तर मंदार कुट्रेने 15 धावा केल्या. जिमखानातर्फे विरेंद्रने 2 तर निखिल, सलमान व कौस्तुभ यांनी प्रत्येकी 1 गडी बाद केले.
दुसऱ्या उपांत्यफेरीच्या सामन्यात बेळगाव स्पोर्ट्स क्लबने प्रथम फलंदाजी करताना 25 षटकात 7 गडी बाद 147 धावा केल्या. त्यात दर्श रायकरने 8 चौकारांसह 59, सचिन तलवारने 4 चौकारांसह 40 तर आयुष आजगावकरने 21 धावा केल्या. नीनातर्फे सुप्रित बुरुडने 27 धावांत 5 गडी बाद करुन निम्मा संघ गारद केला. तर अरजानने 1 गडी बाद करुन सुरेख साथ दिली. प्रत्युत्तरादाखल खेळताना नीना अकादमीने 23.2 षटकात 4 गडी बाद 151 धावा करुन सामना 6 गड्यांनी जिंकला. त्यात अजय मलाणीने 3 षटकार 6 चौकारांसह 73, अरजान सरकवासने 4 चौकारांसह 28, आर्यन टुबाकीने 11 धावा केल्या. बीएससीतर्फे दर्श रायकरने 2, समर्थने 1 गडी बाद केले.
