जोय किंग विवाहबंधनात

हॉलिवूड अभिनेत्री जोय किंग आणि स्टीव्हन पिट हे विवाहबद्ध झाले आहेत. स्पेनमधील मार्जोका येथे दोघांनीही विवाह केला आहे. सुमारे 4 वर्षे रिलेशनशिपमध्ये राहिल्यावर दोघांनीही विवाह करण्याचा निर्णय घेतला. ‘द अॅक्ट’ या सीरिजमध्ये एकत्र काम केल्यावर जोय अन् स्टीव्हन हे परस्परांच्या प्रेमात पडले होते. पिटने फेब्रुवारी 2022 मध्ये जोयला प्रपोज केले होते. द किसिंग बुथ फेम अभिनेत्रीने विवाहाच्या दिवशी पांढऱ्या रंगाचा गाउन परिधान केला होता. 1628 मध्ये निर्मित ऐतिहासिक किल्ल्यात जोय अन् स्टीव्हन हे विवाहबद्ध झाले आहेत. जोयच्या बहिणी केल्ली किंग अन् हंटर किंग ब्राइडसमेड म्हणून या विवाहसोहळ्यात सामील झाल्या. हंटर किंग ही देखील अभिनेत्री असून तिने लाइफ इन पिसेसमध्ये काम केले आहे. जोयने या विवाहसोहळ्याची छायाचित्रे सोशल मीडियावर शेअर केली आहेत. या छायाचित्रांना चाहत्यांकडून मोठा प्रतिसाद मिळत आहे. जोय यापूर्वी द किसिंग बूथ या सीरिजमधील स्वत:च्या सहकलाकारासोबत रिलेशनशिपमध्ये होती. जोय किंग ही ‘व्हाइट हाउस डाउन’ या हॉलिवूडपटात दिसून आली होती.