चालू आठवड्यात सादर होण्याचे संकेत : 5-जी इंटरनेटसाठीचे उपकरण
नवी दिल्ली :
दूरसंचार क्षेत्रातील दिग्गज रिलायन्स इंडस्ट्रीज भारतात जिओ वायरलेस हाय स्पीड इंटरनेट उपकरण आणणार आहे. रिलायन्स जिओने अनेक शहरांमध्ये या हायस्पीड इंटरनेट उपकरणाच्या ग्राहकांच्या चाचण्या सुरू केल्या आहेत जिथे त्याचे 5जी रोलआउट पूर्ण झाले आहे आणि नेटवर्क स्थिर आहे.
रिलायन्स जिओ रिटेल ग्राहकांसाठी फिक्स्ड वायरलेस एक्सेस डिव्हाईस जिओ एअर फायबर आणण्याच्या तयारीत आहे. जिओशी संबंधित लोकांचे म्हणणे आहे की बाजारभावाच्या तुलनेत ते 20 टक्क्यांपर्यंत सवलतीसह लॉन्च केले जाऊ शकते. वायरलेस हायस्पीड इंटरनेट उपकरण आगामी सणासुदीच्या हंगामात भारतीय किरकोळ बाजाराला दणका देण्यासाठी सज्ज झाले आहे.
सूत्रांकडून मिळालेल्या माहितीनुसार, रिलायन्स जिओ 28 ऑगस्ट रोजी या डिवाइसबद्दल औपचारिक घोषणा करू शकते. डाटा टॉप पॅकनंतर, 5जी मधून कमाई करण्याचा हा जिओचा पहिला मोठा प्रयत्न ठरू शकतो. यासंबंधित एका व्यक्तीने सांगितले की, रिलायन्सच्या आगामी एजीएममध्ये जिओ वायरलेस डिव्हाइसबद्दल घोषणा केली जाऊ शकते.
रिलायन्स जिओने वायरलेस हाय स्पीड इंटरनेट डिव्हाइस लाँच करण्यासाठी चाचणी तयारीसाठी निवडक वापरकर्त्यांना त्याच्या कर्मचाऱ्यांसह डिव्हाइस पाठवले आहेत. जिओचे एफडब्लूए उपकरण वाहक एकत्रीकरण तंत्र वापरणाऱ्या लोकांना हायस्पीड इंटरनेट प्रदान करेल, जे विविध 5जी एअरवेव्ह वापरून डाटा मार्ग तयार करते.
यासाठी जिओने गेल्या वर्षीच्या लिलावात 700 मेगाहर्ट्झ, 3300 मेगाहर्ट्झ आणि 26जीएचझेड स्पेक्ट्रम खरेदी केले होते. एअरटेलने मुंबई आणि दिल्लीमध्ये वायरलेस इंटरनेट डिव्हाइस लाँच केले आहे, त्याची किंमत 2500 ठेवण्यात आली आहे.
