कसबा बीड / प्रतिनिधी
जातिवंत जनावारांच्यासाठी जिल्ह्यातील शेतकऱ्यांना परराज्यात जावे लागते. जिल्ह्यात अशा प्रकारच्या जातीवंत दुधाळ म्हैशी गोकुळच्या कार्यक्षेत्रात तयार होण्यासाठी जातिवंत म्हैस पैदास केंद्र उभारणीचा उपक्रम हाती घेण्याचा मानस आहे. यामुळे जिल्ह्यातच जातिवंत म्हीशींची खरेदी- विक्रीचे बाजारपेठ उपलब्ध होईल असा विश्वास आमदार सतेज पाटील यांनी व्यक्त केला. ते आज शिरोली दुमालामध्ये बोलत होते. गोकुळ दुध संघाचे चेअरमन विश्वास पाटील यांच्या मार्गदर्शनाखाली शिरोली दु. येथील दूध उत्पादकांनी आमदार सतेज पाटील यांच्या ५१ व्या वाढदिवसाचे औचित्य साधून हरियाणा जातीच्या ५१ म्हैशी खरेदी केल्या, त्याचे आज शिरोली दुमाला येथे आमदार सतेज पाटील यांच्या हस्ते त्या जनावरांचे पूजन होऊन दूध उत्पादकांना प्रशस्तीपत्र देण्यात आले.
यावेळी बोलताना आमदार सतेज पाटील म्हणाले कि “गोकुळ हा कोल्हापूर जिल्ह्याचा आत्मा आहे. तो आत्मा टिकला तरच सामान्य शेतकऱ्याचे जीवन हे सुखकारक होणार आहे. त्या दृष्टीने सातत्याने गेल्या दोन वर्षांमध्ये दूध उत्पादक सभासदांना जेवढा न्याय देता येईल तेवढा न्याय देण्याचा प्रयत्न आहेl. भविष्यात दूध उत्पादन वाढीच्या दृष्ठीने दूध उत्पादकांना जातिवंत म्हैस खरेदी करण्यासाठी जातीवंत जनावरे शेतकऱ्याला उपलब्ध करून देण्याचा प्रयत्न गोकुळ संघाच्या माध्यमातून निश्चितपणे असणार आहे.”
सध्या जिल्ह्यातील दूध उत्पादकांना उच्च वंशावळीच्या जातिवंत म्हैशी खरेदी करण्यासाठी परराज्यात जावे लागते. अशावेळी मागणी वाढल्याने जनावरांच्या किंमतीही वाढत आहेत. यासाठी भविष्यात अशा प्रकारच्या जातीवंत दुधाळ म्हैशी गोकुळच्या कार्यक्षेत्रात तयार होण्यासाठी जातिवंत म्हैस पैदास केंद्र उभारणीचा उपक्रम हाती घेऊ. यामुळे जिल्ह्यातच जातिवंत म्हीशींची खरेदी- विक्रीचे बाजारपेठ उपलब्ध होईल. माझ्या ५१ व्या वाढदिवसाचे औचित्य साधून आपण सर्वांना या पद्धतीचा हा एक शेतकरीभिमुख उपक्रम राबवला त्याबद्दल मनापासून धन्यवाद देतो.”
स्वागत व प्रास्ताविक करताना गोकुळ दूध संघाचे अध्यक्ष विश्वासराव पाटील म्हणाले कि “दूध वाढ कृती कार्यक्रम गोकुळ कढून दूध उत्पादक शेतकऱ्यांसाठी मोठ्या प्रामाणावर राबवला जात आहे. या भावनेतून दूध उत्पादकांनी जातीवंत जनावारे खरेदी करून दूध वाढ कृती कार्यक्रामत भाग घेतला आहे. यासाठी दूध उत्पादकांनकडून मोठ्या प्रमाणात प्रतिसाद मिळत आहे. तरी संघाकडून राबविण्यात येत असलेल्या योजनांचा लाभ घेऊन दूध वाढीसाठी प्रयत्नशील राहावे.” असे ते म्हणाले.
यावेळी संचालक बाबासाहेब चौगुले, अभिजीत तायशेटे, अजित नरके, शशिकांत पाटील- चुयेकर, प्रकाश पाटील, मुरलीधर जाधव, बयाजी शेळके, संचालिका श्रीमती अंजनाताई रेडेकर, संचालक संभाजी पाटील कार्यकारी संचालक योगेश गोडबोले, व्यवस्थापक पशुसंवर्धन डॉ.यू.व्ही.मोगले यांच्यासह गोकूळचे पदाधिकारी आणि नागरित उपस्थित होते.
