पणजी : प्रत्येक महिन्याच्या पहिल्या सोमवारी जनता दरबार घेण्याचे राज्य सरकारने ठरविले असून त्यातील पहिला दरबार आज सोमवार दि. 3 जुलै रोजी म्हापसा येथे तर दक्षिण गोव्यातील जनता दरबार मडगाव येथे होणार आहे. लोकांनी जनता दरबारात येऊन आपल्या समस्या सांगाव्यात आणि त्यावर त्वरित कार्यवाही करण्याच्या हेतूने हा दरबार आयोजित करण्यात आला आहे. लोकांची अडलेली कामे हाती घेण्यासाठी हा दरबार असून त्यात सहभागी होऊन ती कामे करून घ्यावीत असे आवाहन करण्यात आले आहे. या दरबारात संबंधित कर्मचारी, अधिकाऱ्यांना कामे होण्यासाठी तातडीने सूचना देण्यात येणार आहेत. उत्तर गोव्यातील म्हापसा येथील अतिरिक्त जिल्हाधिकारी कार्यालयात हा दरबार होणार होता. परंतु आता त्याची जागा बदलण्यात आली असून श्री बोडगेश्वर देवस्थानच्या हॉलमध्ये निश्चित करण्यात आला आहे. सकाळी 10 ते दुपारपर्यंत लोकांच्या तक्रारी-समस्या संपेपर्यंत हा उपक्रम होणार असून त्यात सार्वजनिक बांधकाममंत्री नीलेश काब्राल हजर रहाणार आहेत. दक्षिण गोव्यातील जनता दरबार सकाळी 10 वा. सुरू होणार असून तो माथानी साल्ढाणा संकुलात घेतला जाणार आहे. तेथे महसूलमंत्री बाबूश मोन्सेरात हे उपस्थित राहणार असल्याची माहिती देण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
