Jailer Trailer Release : वयाच्या 70 रीतही एखाद्या तरुणाला लाजवेल अशी भूमिका साकरणारा सगळ्यांचा आवडता अभिनेता,दक्षिण भारतीय चित्रपटाचा सुपरस्टार रजनीकांत याच्या ‘जेलर’ चित्रपटाचा ट्रेलर आज रिलीज झाला. 10 ऑगस्ट रोजी हा चित्रपट चित्रपटगृहात प्रदर्शित होणार आहे. हा चित्रपट नेल्सन दिलीप कुमार दिग्दर्शित आहे.’जेलर’चा हा ट्रेलर सन पिक्चर्सने आपल्या ट्विटर अकाउंटवर शेअर केला आहे.
आज सकाळीच चित्रपट रिलीज होताच चाहत्यांनी कमेंन्टचा पाऊस पाडला आहे. एवढच नाही तर ट्विटरवर टॉप ट्रेंड देखील आहे. त्याला जेलर शोकेस असे नाव देण्यात आले आहे. शेअर केलेल्या ट्रेलरमध्ये अभिनेता पँट-शर्ट आणि चष्मा घालून गोळ्या झाडताना दिसत आहे.
हा ट्रेलर दोन मिनिटे-15 सेकंदाचा आहे. ट्रेलरची सुरुवात पोलिस ट्रकवर झालेल्या हल्ल्याने होते.ज्यामध्ये अनेक कमांडो मारले जातात.यावर सीबीआय चौकशी बसल्याचे दिसते. यानंतर रजनीकांतची व्यक्तिरेखा एक कौटुंबिक पुरुष म्हणून दाखवली असतानाच दुसऱ्याच क्षणी तो फाईट करताना दिसत आहे. त्यानंतर ट्रेलरमध्ये जॅकी श्रॉफची एंट्री दाखवली आहे. जो आपल्या सहकाऱ्यांना सांगतो तु फक्त पोलीसाच्या बापाला पाहिल आहेस जे तू पाहिले नाहीस ते मी पाहिलय. “जब ठोकना होता है तो मै बात नहीं करता, ठोक देता हू” या डायलॉग नंतर रजनीकांतचा रक्तरंजित खेळ सुरू होतो आणि तो शत्रूंना धडा शिकवण्यासाठी निघतो.
ट्रेलरमध्ये रजनीकांतपासून ते जॅकी श्रॉफपर्यंत प्रत्येकजण आपापल्या पात्रांमध्ये छान दिसत आहे. त्यामुळे या चित्रपटाबद्दलची उत्सुकता वाढली आहे. ‘जेलर’ हा नेल्सन दिलीप कुमार दिग्दर्शित आणि सन पिक्चर्स निर्मित व्यावसायिक मनोरंजन करणारा चित्रपट आहे. रजनीकांत आणि जॅकी श्रॉफ, तमन्ना भाटिया,रम्या कृष्णन,विनायकन आणि योगी बाबू यांच्या प्रमुख भूमिका आहेत. मल्याळम सुपरस्टार मोहनलाल आणि कन्नड सुपरस्टार शिवा राजकुमार देखील चित्रपटात कॅमिओ करताना दिसणार आहेत.
