पाकिस्तानात आयएसआय प्रमुख असीम मलिक आता ‘एनएसए’

इस्लामाबाद : पहलगाम हल्ल्यानंतर वाढत्या तणावाच्या पार्श्वभूमीवर, पाकिस्तानने आयएसआय प्रमुख लेफ्टनंट जनरल असीम मलिक यांची राष्ट्रीय सुरक्षा सल्लागार (एनएसए) म्हणून नियुक्ती केली आहे. ही नियुक्ती 29 एप्रिल रोजी करण्यात आली होती, परंतु 30 एप्रिल रोजी मध्यरात्री माध्यमांना याची माहिती देण्यात आली. असीम मलिक यांना सप्टेंबर 2024 मध्ये आयएसआय प्रमुख बनवण्यात आले होते. त्यानंतर आता त्यांच्यावर ‘एनएसए’ची धुराही सोपविण्यात आली आहे. एप्रिल 2022 पासून या पदावर कोणाचीही नियुक्ती करण्यात आली नव्हती. या नियुक्तीनंतर असीम मलिक यांच्याकडे आता आयएसआय प्रमुख आणि एनएसए अशा दोन जबाबदाऱ्या असतील.