बऱ्याच लोकांच्या दिवसाची सुरुवात ही पोह्यांपासून होते. कमी वेळेत बनणारे आणि चवीला रुचकर असणारे पोहे सर्वानाच आवडतात. कांदापोहे, दडपे पोहे,बटाटा पोहे,तर्री पोहे असे पोह्यांचे बरेच प्रकार तुम्ही खाल्ले असतील. पण आज आपण पोह्यांपासून एक वेगळी रेसिपी जाणून घेणार आहोत. जी झटपट देखील बनते आणि स्वादिष्टही आहे.
साहित्य
पोहे – एक वाटी
रवा -पाव वाटी
३ चमचे दही
१ बारीक चिरलेला कांदा
बारीक चिरलेली कोथिंबीर
अर्धा चमचा आले पेस्ट
मीठ
पाणी
तेल
कृती
सर्वप्रथम पोहे भिजवून घेऊन ५ मिनिटे बाजूला ठेवावेत. यांनतर त्यामध्ये ३ चमचे दही,रवा,कांदा ,कोथिंबीर, आले पेस्ट,तसेच चवीनुसार मीठ घालून सर्व मिश्रण चमच्याने एकजीव करून घ्यावे.गरजेनुसार त्यामध्ये पाणी घालून मिश्रण १० मिनिटे बाजूला ठेवावे. यामुळे रवा चांगला भिजेल. यानंतर आप्पे पॅन मध्ये तेल घालावं.आणि मिश्रण त्यामध्ये घालून आप्पे दोन्ही बाजूंनी खरपूस भाजून घ्यावेत. तयार झालेले स्वादिष्ट,कुरकुरीत आप्पे खोबऱ्याच्या चटणी सोबत सर्व्ह करावेत.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
