बारामती :
सार्वजनिक वाहतूक सुरळीत आणि सुरक्षित होण्यासाठी शहरातील मुख्य दहा ठिकाणी वाहतूक नियंत्रक दिवे बसवा, चौकाला नावे देण्याची कार्यवाही करण्यासह ररत्यावरील अतिक्रमणे काढावीत, असे निर्देश उपमुख्यमंत्री अजित पवार यांनी दिले. दरम्यान, सिग्नल यंत्रणा बसणार असल्याने गेल्या कित्येक वर्षांपासून रखडलेल्या प्रकल्पास गती मिळणार आहे.
उपमुख्यमंत्री अजित पवार बारामती दौऱ्यावर आले होते. यावेळी त्यांनी शहरातील तीन हत्ती चौक परिसर व ध्वजस्तंभ गुणवडी चौक येथील शॉपिंग कॉम्प्लेक्स, जलसंपदा विभागाचे अधिकारी व कर्मचारी निवासस्थानाच्या सुरू असलेल्या विकासकामांची पाहणी करून अधिकाऱ्यांकडून माहिती घेतली.
श्री. पवार म्हणाले, नटराज नाट्यकला मंडळाच्या प्रांगणात तीस मीटर उंचीचा राष्ट्रध्वज रतंभउभारण्यात येत असून त्याचे काम गतीने पूर्ण करा. नगरपरिषद कार्यालयाच्या शेजारील जागेवर हुतात्मा स्तंभ उभारण्याच्या दृष्टीने कामे करताना स्वातंत्र्यलढ्यातील महत्त्वाच्या ठळक घटनांचा समावेश करावा. परिसरात विद्युत रोषणाई करावी, अशा सूचना केल्या.
जलसंपदा विभागाच्या अधिकारी व कर्मचाऱ्यांसाठी सर्व सुविधांनीयुक्त निवासस्थानाचे बांधकाम करावे. तसेच नागरिकांची वर्दळ विचारात घेता गुणवडी चौक येथील व्यापारी संकुलातील फरशा, रंगरंगोटी, ररते आदी कामे गतीने पूर्ण करण्याच्या सूचना उपमुख्यमंत्री अजित पवार यांनी अधिकाऱ्यांना दिल्या.
यावेळी त्यांच्यासमवेत अप्पर पोलीस अधीक्षक गणेश बिराजदार, उपविभागीय अधिकारी वैभव नावडकर, उपविभागीय पोलीस अधिकारी डॉ. सुदर्शन राठोड, सार्वजनिक बांधकाम विभागाचे कार्यकारी अभियंता अमोल पवार, जलसंपदा विभागाचे कार्यकारी अभियंता दिगंबर डुबल, तहसीलदार गणेश शिंदे, मुख्याधिकारी पंकज भुसे, बारामती सहकारी बँकेचे अध्यक्ष सचिन सातव, ज्येष्ठ नगरसेवक किरण गुजर यांच्यासह विविध पदाधिकारी, अधिकारी उपस्थित होते.
- पुतळ्यांच्या आराखड्याचे सुधारित सादरीकरण करा
शहरात उभारण्यात येणाऱ्या सेंट्रल पार्कच्या समोरील जागेवर महापुरुषांचे पुतळे बसवण्याचे काम करण्यात येणार आहे. यासाठी आराखड्याचे सुधारित सादरीकरण तसेच बारामती बसस्थानक परिसर स्वच्छ करून अधिक सावली देणाऱ्या वृक्षांची लागवड करावी. तालुक्यात विविध विकासकामे सुरू आहेत. ती गुणवत्तापूर्ण, दर्जेदार, टिकाऊ आणि गतीने पूर्ण करून वाहतूक सुरळीत ठेवण्याच्या दृष्टीने प्रशासनाला सूचना देण्यात आल्या. नागरिकांनी वाहतूक सुरक्षाविषयक नियमांचे पालन करावे, असे आवाहन उपमुख्यमंत्री पवार यांनी केले.
