बेळगाव : लोंढा-मिरज या रेल्वेमार्गावरील उगारखुर्द ते विजयनगर या दरम्यान नव्याने रेल्वेरुळ घालण्यात आला आहे. या रेल्वेमार्गाची पाहणी शुक्रवारी नैर्त्रुत्य रेल्वेच्या अधिकाऱ्यांनी केली. ट्रॉलीमधून या दोन्ही रेल्वेस्थानकामधील रेल्वे मार्गाची पाहणी करून त्यानंतर रेल्वे इंजिन धावले. उगार खुर्द-विजयनगर या रेल्वेमार्गाचे नुकतेच दुपदरीकरण करण्यात आले. नवा रेल्वेरुळ वाहतुकीसाठी योग्य आहे का? याची तपासणी करण्यासाठी नैर्त्रुत्य रेल्वेच्या अधिकाऱ्यांनी सर्वेक्षण केले. नैर्त्रुत्य रेल्वेचे मुख्य अभियंता मुरलीकृष्णा व मध्य रेल्वेच्या पुणे विभागाचे अभियंता हर्ष खरे यांनी एकत्रितरित्या या रेल्वेमार्गाची पाहणी केली. रेल्वेरुळ वाहतुकीसाठी योग्य असल्याचा अहवाल आल्यानंतर या मार्गावरून रेल्वे इंजिन यशस्वीरित्या धावले. त्यामुळे लवकरच हा मार्ग प्रवासी रेल्वे वाहतुकीसाठी खुला केला जाणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
