बेळगाव : ग्रेड टू तहसीलदार अशोक संगाप्पा मण्णिकेरी यांचा संशयास्पद मृत्यू झाल्याचा आरोप करण्यात आला आहे. याप्रकरणी त्यांच्या कुटुंबीयांनी कॅम्प पोलीस स्थानकामध्ये फिर्याद दाखल केली होती. त्यानंतर मंगळवारी प्रांताधिकारी कार्यालयातील त्यांच्या कक्षामध्ये जाऊन पोलिसांनी काही कागदपत्रे तपासणी केली. यामुळे प्रांताधिकारी कार्यालयासमोर काहीवेळ गर्दी झाली होती. अशोक मण्णिकेरी हे प्रांताधिकारी कार्यालयामध्ये ग्रेड टू तहसीलदार म्हणून काम करत होते. त्यांना त्यांची पत्नी नेहमीच मानसिक त्रास देत असल्याचा आरोप त्यांच्या बहिणीने व त्यांच्या इतर कुटुंबीयांनी फिर्यादीत केला आहे. याप्रकरणी कॅम्प पोलीस स्थानकामध्ये सीआरपीसी कलम 174सी अन्वये संशयास्पद मृत्यू म्हणून गुन्हा दाखल करून घेण्यात आला आहे. मंगळवारी प्रांताधिकारी कार्यालयातील त्यांच्या कक्षामध्ये पोलिसांनी सर्व फायलींची तसेच कागदपत्रांची तपासणी केली. काही कागदपत्रे त्यांनी ताब्यात घेतली आहेत. मात्र याबाबत काहीच माहिती दिली नाही. प्रांताधिकारी बलराम चव्हाण हे देखील आपल्या कार्यालयात उपस्थित होते. रात्री उशिरापर्यंत पोलीस त्याठिकाणी तपासणी करत होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
