बेळगाव : गणेशोत्सवाच्या पार्श्वभूमीवर महापालिका आयुक्तांनी विविध ठिकाणी असलेल्या विसर्जन तलावांना भेट देऊन पाहणी केली. त्याठिकाणी सर्व सुविधा उपलब्ध कराव्यात, अशी सूचना आयुक्त अशोक दुडगुंटी यांनी केयुआयडीएफसीच्या अधिकाऱ्यांना केली आहे. किल्ला तलाव येथील गणेशमूर्ती विसर्जन करण्याच्या ठिकाणी भेट दिली. त्याठिकाणी क्रेनची व्यवस्था करावी, असे अधिकाऱ्यांना सांगितले. त्यानंतर कणबर्गी येथील तलावाला भेट दिली. त्याठिकाणी असलेल्या समस्या दूर कराव्यात. याचबरोबर तेथील रस्ते खराब असल्यामुळे तातडीने दुरुस्ती करण्याची सूचना अधिकाऱ्यांना केली आहे. कणबर्गी येथे पाहणी केल्यानंतर खासबाग, मजगाव, अनगोळ येथील गणेशमूर्ती विसर्जन करणाऱ्या तलावांना भेटी देऊन त्याठिकाणी फोकस दिवे लावण्याची सूचना अधिकाऱ्यांना केली आहे. यावेळी त्यांच्याबरोबर महापालिकेच्या अभियंत्या लक्ष्मी निपाणीकर यांच्यासह हेस्कॉमचे अधिकारी, केयुआयडीएफसीचे अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
