बेळगाव : बेळगाव विमानतळावर नवीन टर्मिनल बिल्डींग उभारली जाणार आहे. यासाठी तितक्याच क्षमतेचे विद्युत केंद्र सुरू करण्यासाठी नुकतीच केपीटीसीएल व हेस्कॉम अधिकाऱ्यांनी विमानतळाला भेट दिली. विद्युत केंद्रामध्ये क्षमता वाढवण्यासाठी यंत्रणा कार्यान्वित करण्याबाबत चर्चा करण्यात आली. विमानतळाचा विस्तार वाढत असल्याने नवीन टर्मिनल बिल्डींग बांधण्याचे काम सुरू करण्यात आले आहे. या नव्या टर्मिनलमध्ये एकाचवेळी शेकडो प्रवासी प्रवास करू शकतील, अशी व्यवस्था करण्यात येणार आहे. त्याचबरोबर इतर अत्याधुनिक सेवा दिल्या जाणार आहेत. सध्या विमानतळावर असणाऱ्या विद्युत केंद्रामध्ये क्षमता वाढवून त्याचा नवीन टर्मिनल बिल्डींगसाठी वापर करण्यासंदर्भात चर्चा झाली. विमानतळ प्राधिकरणाचे संचालक त्यागराजन यांनी हेस्कॉम व केपीटीसीएल अधिकाऱ्यांचे स्वागत केले. तसेच टर्मिनल बिल्डींग व वीज केंद्र याविषयी माहिती दिली. यावेळी हेस्कॉमचे मुख्य अभियंता प्रवीण चिकार्डे यांच्यासह केपीटीसीएलचे अधिकारी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
