इंडियन डेन्टल असोसिएशन बेळगाव शाखेला क्रियाकल्प पुरस्कार

बेळगाव : इंडियन डेन्टल असोसिएशन बेंगळूरतर्फे 29 नोव्हेंबर ते 1 डिसेंबर दरम्यान पन्नासाव्या वर्षपूर्तीनिमित्त राज्य परिषदेचे आयोजन करण्यात आले होते. यानिमित्त  इंडियन डेन्टल असोसिएशन बेळगाव शाखेला शुक्रवार दि. 29 नोव्हेंबर रोजी आरोग्य आणि कुटुंब कल्याण मंत्री दिनेश गुंडुराव तसेच उच्च शिक्षणमंत्री डॉ. सुधाकर यांच्या हस्ते सर्वोत्कृष्ट सर्वांगीण क्रियाकल्प-2024 हा पुरस्कार देऊन सन्मानित करण्यात आले. यावेळी अध्यक्ष डॉ. नवीन दोडवाड, मानद सचिव डॉ. बिंदू होसमनी. माजी अध्यक्ष डॉ. राधाकृष्ण हरवडेकर, नवनिर्वाचित अध्यक्ष डॉ. जगदीश कदमण्णवर, राज्य निवडणूक आयोग सदस्य डॉ. समीर पोटे, राज्य सीडीई अध्यक्ष डॉ. सचिन शिवनाईकर, आयडीए सदस्य डॉ. साई चांदिनी, डॉ. सागर हुलबत्ते तसेच डॉ. अऊंधती पोटे आदी उपस्थित होते. तसेच रविवार दि. 1 डिसेंबर रोजी सर्वोत्तम सदस्यत्व ड्राईव्ह, उत्कृष्ट अध्यक्ष- डॉ. नवीन दोडवाड, सर्वोत्कृष्ट मानद सचिव -डॉ. बिंदू होसमनी, सर्वोत्कृष्ट संपादक- डॉ. बिंदू होसमनी यांना पुरस्कार देऊन सन्मानित करण्यात आले. याप्रसंगी प्रमुख पाहुणे डॉ. सुभाषचंद्र शेट्टी, प्रदेशाध्यक्ष डॉ. भरत, नवनिर्वाचित अध्यक्ष डॉ. शिवशरण शेट्टी, उपाध्यक्ष डॉ. रंगनाथ, मानद प्रदेश सचिव डॉ. महेशचंद्र आदी उपस्थित होते.