भारतीय तटरक्षक दलाने वाचविला चिनी नागरिकाचा जीव

नवी दिल्ली : पनामाचा ध्वज असलेले संशोधक जहाज एमव्ही डोंग फँग कान टॅनवरून एका चिनी नागरिकाला भारतीय तटरक्षक दलाने सुरक्षित बाहेर काढले आहे.  पनामाचे ध्वज असलेले संशोधक जहाज चीनमधून संयुक्त अरब अमिरातच्या दिशेने प्रवास करत असताना चिनी नागरिकाने छातीत वेदना होत असल्याचे कळविले हेते. यानंतर तटरक्षक दलाने समुद्रात सुमारे 200 किलोमीटर अंतरावरील एमव्ही डोंग फँग कान टॅन जहाजावरून चिनी नागरिकाला सुरक्षित बाहेर काढले आहे. रुग्णाला हृदयविकाराचा झटका आला होता, त्यामुळे त्याला तकाळ वैद्यकीय मदतीची गरज होती, असे तटरक्षक दलाकडून सांगण्यात आले.