कोल्हापूर : गेला आठवडाभर संततधार असलेल्या पावसाने आता जोर धरला आहे. मुंबईसह राज्यात पावसाने जोरदार बॅटिंग सुरू केली असून मुंबई कोकण सह पश्चिम महाराष्ट्रात पावसाने दमदार हजेरी लावली आहे. कोल्हापूर जिल्ह्यात गेल्या दोन दिवसांपासून धरण क्षेत्रासह गगनबावडा,राधानगरी, आजरा आणि शाहूवाडी या परिसरात अतिवृष्टी सदृश्य पाऊस पडत आहे परिणामी पंचगंगा नदीच्या पाणी पातळीत झपाट्याने वाढ होत असून पंचगंगा नदीचे पाणी पातळी ही 22 फूट 6 इंचावर पोहोचली आहे. तर जिल्ह्यातील 25 बंधारे पाण्याखाली गेले आहेत. तर जिल्ह्यची तहान भागवणाऱ्या राधानगरी धरणात 58.30 % पाणीसाठा झाला असून धरणाच्या विद्युत विमोचनातून 700 क्युसेक्स चा पाण्याचा विसर्ग भोगावती नदीपात्रात सुरू करण्यात आला आहे.
कोल्हापूरात पंचगंगा पाणी पातळीत वाढ :
कोल्हापूर जिल्ह्यात पावसाचा जोर वाढला असून पुढील दोन दिवस कोल्हापूर जिल्ह्याला ऑरेंज अलर्ट देण्यात आला आहे. शाहुवाडी, गगनबावडा, राधानगरी परिसरासह धरण पाणलोट क्षेत्रात अतिवृष्टी सदृश्य पाऊस सुरू आहे परिणामी पंचगंगा नदीच्या पाणी पातळीत वाढ होत असून पंचगंगा नदीची पाणी पातळी सध्या 22 फूट 6 इंचावर पोहोचली आहे. तर राजाराम बंधाऱ्यासह जिल्ह्यातील 25 बंधारे पाण्याखाली गेले असून खबरदारी म्हणून पाण्याखाली गेल्याने बंधाऱ्यांवरून वाहतूक बंद करण्यात आले आहे.तर कोल्हापूरची तहान भागवणाऱ राधानगरी धरण 58.30% भरल असून राधानगरी धरणातून प्रतीसेकंद 700 क्यूसेक पाण्याचा विसर्ग भोगावती नदीपात्रात सुरू आहे. यामुळे येत्या काळात पंचगंगा नदीच्या पाणी पातळीत आणखी वाढ होण्याची शक्यता निर्माण झालीय. तर अनेक ठिकाणी वर्षा पर्यटनासाठी जाणाऱ्या पर्यटकांना पर्यटन स्थळी जाण्यास बंदी देखील घालण्यात आली आहे.”
•जिल्हा प्रशासनाकडून दूरध्वनी क्रमांक जारी:
दरम्यान हवामान खात्याकडून ऑरेंज अलर्ट देण्यात पर्यंत अतिवृष्टीचा इशारा दिल्याने जिल्हा प्रशासन सतर्क झाली आहे. आपत्ती व्यवस्थापन विभागासह सर्व विभागांना सतर्क राहण्याच्या सूचना जिल्हाधिकाऱ्यांनी दिले आहेत.तर खबरदारी म्हणून एनडीआरएफ ची एक तुकडी कोल्हापुरात दाखल झाली असून सोबत आपत्ती व्यवस्थापन विभागाचे स्वयंसेवक देखील प्रत्येक तालुक्यात गावात सज्ज ठेवण्यात आले आहेत.तसेच आपत्कालीन परिस्थितीत जिल्हा आपत्ती व्यवस्थापन कक्षाशी संपर्क साधण्यासाठी टोल फ्री क्रमांकसह दूरध्वनी क्रमांक जारी करण्यात आले आहेत. नागरिकांना काही आपत्ती आल्यास पुढील क्रमांकावर संपर्क करण्याचे आवाहन जिल्हाधिकारी कार्यालयामार्फत करण्यात आले आहे. टोल फ्री क्रमांक १०७७ जिल्हा आपत्ती व्यवस्थापन विभाग: ०२३१-२६५९२३२, २६५२९५०, २६५२९५३, २६५२९५४
