बेळगाव : मंगाईनगर, वडगाव येथील दोन तलावांचा महानगरपालिकेकडून विकास करण्यात आला होता. या दोन्ही तलावांच्या परिसरातील स्थानिक नागरिकांनी बुधवारी नामफलक उभारले. पूर्वेकडील तलावाला मंगाई तलाव तर दक्षिणेकडील तलावाला हनुमान तलाव असे नाव देण्यात आले आहे. यामुळे मंगाईनगर परिसरातील नागरिकांमधून समाधान व्यक्त होत आहे. मागील वर्षभरापासून या दोन्ही तलावांचा विकास केला जात होता. पेव्हर्स तसेच जाळी बसवून सुशोभिकरण करण्यात आले आहे. त्यामुळे नागरिकांमधून समाधान व्यक्त होत होते. दोन्ही तलावांना नाव नसल्यामुळे अडचणी येत होत्या. त्यामुळे परिसरातील नागरिकांनी एकत्रित येत नावनिश्चिती केली. मंगाईनगर रहिवासी संघटनेचे अध्यक्ष बंडू केरवाडकर व माजी नगरसेवक मनोहर हलगेकर यांच्या हस्ते फलकांचे उद्घाटन झाले. यावेळी हनुमंत बाळेकुंद्री, बाळू धामणेकर, आनंद गोंधळी, भालचंद्र उचगावकर, प्रशांत हणगोजी, मंजुनाथ भंडारी, मंजू कडोलकर, किशोर तरळेकर, रेखा लोकरी, रेणुका रेमाण्णाचे यासह मोठ्या संख्येने नागरिक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
