बेळगाव : चेंबर ऑफ कॉमर्स अँड इंडस्ट्रिजच्या नूतन कार्यकारिणीचा अधिकारग्रहण सोहळा बुधवारी सायंकाळी फौंड्री क्लस्टर येथे झाला. नूतन अध्यक्ष सी. सी. होंदडकट्टी, वरिष्ठ उपाध्यक्ष संजीव कत्तीशेट्टी, उपाध्यक्ष सतीश कुलकर्णी, कीथ मचाडो, सचिव राजेंद्र मुतगेकर, खजिनदार रोहीत कपाडिया यांनी 2023-24 सालाकरिता पदग्रहण केले. अध्यक्षस्थानी हेमचंद्र पोरवाल होते. प्रमुख पाहुणे म्हणून फौंड्री क्लस्टरचे अध्यक्ष राम भंडारे, जिल्हा औद्योगिक केंद्राचे उपसंचालक सत्यनारायण भट उपस्थित होते. प्रारंभी दीपप्रज्वलनाने प्रमुख पाहुण्यांच्या हस्ते कार्यक्रमाचे उद्घाटन करण्यात आले. पाहुण्यांचा परिचय आनंद देसाई व सतीश कुलकर्णी यांनी करून दिला. स्वागत गीत संजना हिने सादर केले. माजी अध्यक्ष हेमेंद्र पोरवाल यांनी आपल्या कारकीर्दीचा आढावा घेऊन सी. सी. होंदडकट्टी व कार्यकारिणीला अधिकार प्रदान केले. सी. सी. होंदडकट्टी यांचा श्रीधर उप्पीन यांनी तर सचिव कीथ मचाडो यांचा उदय जोशी यांनी परिचय करून दिला. नूतन अध्यक्षांनी आपल्या पुढील काळातील विविध संकल्पना मांडल्या.
प्रमुख पाहुणे सत्यनारायण भट यांनी बेळगावातील उद्योजकांचे कौतुक करून केंद्र व राज्य शासनाच्या विविध योजनांचा फायदा करून घ्यावा असे सांगितले. प्रमुख पाहुणे राम भंडारे यांनी नूतन कार्यकारिणीला शुभेच्छा देऊन एमएसएमईबद्दल तसेच औद्योगिक क्षेत्रातील उद्योजकांच्या समस्या सांगितल्या. नूतन कार्यकारिणीमध्ये व्यापारी प्रतिनिधी स्वप्नील शहा, विजय दरगशेट्टी, प्रशांत कळ्ळीमनी, मनोज मत्तीकोप, अमर गाडवी, युवराज हुलजी, संजय पोतदार, विक्रम जैन, भूपेंद्र पटेल, बसवराज बागी, सचिन हंगिरगेकर, वैभव वेर्णेकर तसेच औद्योगिक विभाग प्रभाकर नागमुनवळ्ळी, दिलीप चांडक, उदय जोशी, सचिन सबनीस, आनंद देसाई, विनीत हरकुणी व वार्षिक सामान्य सभासद सुधीर चौगुले यांचा समावेश आहे. यावेळी महेश बागी, बाळाण्णा कग्गणगी, प्रशांत जेडी, राजेंद्र हरकुणी, लघु उद्योग संस्थेचे महादेव चौगुले आदी उपस्थित होते. विक्रम जैन यांनी कार्यक्रमाचे सूत्रसंचालन केले. सचिव कीथ मचाडो यांनी आभार मानले.
