केएलईमध्ये आयुष्य ओपीडीचे उद्घाटन

बेळगाव : शहापूर येथील काहेरच्या बी. एम. कंकणवाडी आयुर्वेद महाविद्यालयामध्ये आयुष्य ओपीडीचे उद्घाटन करण्यात आले. काहेरचे कुलगुरू डॉ. नितीन गंगाणे यांच्या उपस्थितीत हा कार्यक्रम झाला. केएलई बी. एम. कंकणवाडी कॉलेजमध्ये डॉक्टर्स डे व संस्थापक दिन साजरा करण्यात आला. या कार्यक्रमाला डॉ. प्रभाकर कोरे हॉस्पिटलचे वैद्यकीय संचालक डॉ. दयानंद, डॉ. व्ही. ए. कोठीवाले, डॉ. सुहास शेट्टी, होमिओपॅथिक कॉलेजचे प्राचार्य डॉ. एम. ए. उडचणकर यासह इतर उपस्थित होते. यावेळी बी. एम. कंकणवाडी यांच्या कार्याची माहिती करून देण्यात आली. वैद्यकीय पेशा ही सेवा असून प्रत्येकाने आपल्याकडे आलेल्या रुग्णांची सेवा करावी, असे यावेळी सांगण्यात आले. या कार्यक्रमाला डॉ. रूपा बेल्लद यांच्यासह मान्यवर उपस्थित होते.