प्रतिनिधी / बेळगाव
येथील आंतरराष्ट्रीय कृष्ण भावनामृत् संघ (इस्कॉन) च्या वतीने श्रीकृष्ण जन्माष्टमी मोठ्या उत्साहाने साजरी केली जात आहे. इस्कॉनच्या शुक्रवार पेठ टिळकवाडी येथील श्री श्री राधा गोकुलानंद मंदिरात काल व आज दिवसभर विविध कार्यक्रमांचे आयोजन करण्यात आले होते. मंदिर आणि मंदिर परिसरात फुलांची संपूर्ण सजावट करण्यात आली असून वातावरण अतिशय प्रसन्न बनले आहे.
आज दिवसभर मंदिर दर्शनासाठी खुले होते. दिवसभर भजन ,कीर्तन आदी कार्यक्रम झाले. सायंकाळी भक्तांचे आणि देणगीदारांचे अभिषेक संपन्न झाले.रात्री भक्ताने श्रीकृष्ण जन्मावर बसवलेली नाट्या लिला झाली .परमपूज्य भक्तीरसामृत स्वामी महाराजांचे विशेष कथाकथन व त्यानंतर गौर आरती व नृसिंह आरती झाल्यानंतर मध्यरात्री श्रीकृष्ण जन्मोत्सवानंतर सर्वांसाठी महाप्रसाद देण्यात आला या वेळी दर्शनासाठी भक्तांच्या मोठमोठ्या रांगा लागल्या होत्या इस्कॉन चे स्वयंसेवक आणि कार्यकर्ते उपस्थितांच्या सोयीसाठी झटत होते.
