हॉकी स्पर्धेत जी. जी. चिटणीसला दुहेरी मुकुट

बेळगाव : टिळकवाडी येथील सुभाषचंद्र बोस लेले मैदानावर सार्वजनिक शिक्षण खात्याच्यावतीने घेण्यात आलेल्या तालुकास्तरीय हॉकी  स्पर्धेत ज्ञानदीप एज्युकेशन ट्रस्ट संचलित जी. जी. चिटणीस शाळेच्या मुलींच्या संघाने दुहेरी मुकुट संपादन केला. प्राथमिक मुलींच्या गटातील अंतिम लढतील जी. जी. चिटणीस शाळेने ज्ञानमंदिर शाळेचा 1-0 असा पराभव केला तर मुलींच्या माध्यमिक गटातील अंतिम लढतीत जी. जी. चिटणीस शाळेने ज्ञान मंदिर शाळेचा 4-0 असा पराभव केला  विजयी संघाच्या नेहा तोराळकर व संचिता मलिक यांनी प्रत्येकी 2 गोल केले. वरील दोन्ही संघ होणाऱ्या जिल्हास्तरीय हॉकी स्पर्धेसाठी पात्र ठरले आहेत. तसेच विभागीय स्पर्धेत प्राथमिक व माध्यमिक मुलांच्या हँडबॉल संघाने द्वितीय क्रमांक पटकाविला. वरील संघाला शाळेचे क्रीडा शिक्षक जयसिंग धनाजी यांचे मार्गदर्शन तर मुख्याध्यापिका डॉ, नविना शेट्टीगार संस्थेचे अध्यक्ष अँड चंद्रहास अणवेकर व शिक्षक वर्गांचे प्रोत्साहान व मार्गदर्शन लाभत आहे.