शंभर फुटी रोडवरील भोसले प्लॉट येथील प्रकार
सांगली प्रतिनिधी
शहरातील शंभर फुटी रस्त्यावरील असणाऱ्या भोसले प्लॉट येथील बंद घराचा कडीकोयंडा चोरट्य़ांनी उचकटून घरफोडी केली. घरातील तिजोरीत ठेवलेले सुमारे 1 लाख 75 हजारांचे दागिने चोरटय़ांनी लंपास केले. काल पहाटेच्या सुमारास ही घटना उघडकीस आली.
याप्रकरणी अज्ञाताविरोधात शहर पोलिस ठाण्यात गुन्हा नोंद करण्यात आला. समीर इसाक जमादार (वय 42, भोसले प्लॉट, सांगली) यांनी फिर्याद दिली. पोलिसांनी सांगितले, की शहरातील शंभरफुटी रस्त्यावरील भोसले प्लॉटमधील रज्जाक गॅरेजच्या पाठीमागे समीर जमादार हे आपल्या कुटुंबियांसह राहतात. शनिवारी रात्री नऊच्या सुमारास ते बाहेर गेले होते. यावेळी अज्ञात चोरट्य़ांनी बंद घरावर पाळत ठेऊन घराच्या दरवाजाचे कुलूप तोडून आत प्रवेश केला. घरात असणाया लोखंडी तिजोरीमध्ये ठेवलेले सुमारे 1 लाख 75 हजार 500 रुपयांचे सोन्याचे दागिने चोरटयांनी चोरून पलायन केले. सकाळी आठ वाजता जमादार घरी परतले असता त्यांना कुलूप तुटल्याचे दिसले. त्यांनी आत जाऊन पहिले असता चोरी झाल्याचे निदर्शनास आले. यानंतर त्यांनी सांगली शहर पोलिस ठाण्यात धाव घेतली. पोलिस उपाधीक्षक अजित टिके यांनी घटनास्थळी भेट देत सूचना दिल्या. पोलिसांनी अज्ञात चोरटय़ांविरोधात गुन्हा दाखल केला आहे. पोलिस अधिक तपास करत आहेत.
