प्रयाग चिखली वार्ताहर
कोल्हापूर रत्नागिरी महामार्गावरील रजपूतवाडी जवळील ग्रीन फील्ड हॉटेल जवळ छोटा हत्ती व मोटरसायकलची धडक होऊन कोल्हापुरातील टिंबर मार्केट गंजीमाळ येथील दादुल शंकर बोरगावकर ( वय 60) हे दगड घडीव काम करणारे कामगार जागीच ठार झाले. सकाळी अकरा वाजण्याच्या सुमारास हा अपघात घडला.
घटनास्थळी करवीर पोलिसांनी पंचनामा केला. मयत दादुल हे दगड घडीव काम करत होते सध्या ते केरले येथील कारखान्यात घडीव काम करत होते आज मंगळवारी केरले येथून मोटरसायकल वरून ते टिंबर मार्केट येथील घराकडे जात असताना रजपुतवाडी येथील ग्रीन फील्ड हॉटेलच्या समोर समोरून येणारा छोटाहत्ती टेम्पो ने त्यांना धडक दिल्याने त्यांचे डोके हात पायाला गंभीर दुखापत होऊन जागीच मृत्यू झाला. दरम्यान त्यांची मोटरसायकल टेम्पो खाली सापडली होती. टेम्पो चालक अनिल दत्तात्रय ढेरे राहणार वेतवडे याला करवीर पोलिसांनी ताब्यात घेतल्याचे समजते. घटनास्थळी करवीर पोलिसांनी पंचनामा केला. मयत दादुल यांच्या पश्चात दोन मुलगे दोन मुली सुना नातवंडे असा परिवार आहे
