आर्थिक वर्ष 2024 साठी भाकीत : अंदाज 6.1 वरुन 6.3 टक्क्यांवर राहणार असल्याचे संकेत व्यक्त
वृत्तसंस्था/ नवी दिल्ली
आंतरराष्ट्रीय नाणेनिधीने (आयएमएफ)ने मंगळवारी एप्रिल ते जून दरम्यान अपेक्षेपेक्षा अधिकचा हवाला देत भारतासाठी 2024 या आर्थिक वर्षात भारताचा आर्थिक विकासाचा दर हा 20 अंकांनी वाढवून तो 6.3 टक्क्यांवर नेला आहे.
वर्ल्ड इकॉनॉमिक आऊटलूकमध्ये, आयएमएफने 2023 साठी आपला जागतिक वाढीचा अंदाज 3 टक्के अपरिवर्तित ठेवला आहे, तर 2024 च्या अंदाजात 10 आधार अंकांनी कपात करून 2.9 टक्के केला आहे.
‘भारतातील वाढ 2023 (आर्थिक वर्ष 24) आणि 2024 (आर्थिक वर्ष25) दोन्हीमध्ये 6.3 टक्के मजबूत राहण्याचा अंदाज आहे, 2023 (आर्थिक वर्ष24) साठी 0.2 टक्के गुणांच्या वाढीसह, जे एप्रिल-हे अपेक्षेपेक्षा अधिक मजबूत प्रतिबिंबित करत असल्याचे स्पष्ट केले.
आयएमएफने आर्थिक 2024 मध्ये भारतासाठी 6.1 टक्के विकासदराचा अंदाज वर्तवला आहे, जो मजबूत देशांतर्गत गुंतवणुकीमुळे चाललेल्या एप्रिलच्या अंदाजापेक्षा 0.2 टक्के जास्त आहे.
जागतिक बँकेचा आर्थिक वाढीचा अंदाज 6.3 टक्के
या महिन्याच्या सुरुवातीला, जागतिक बँकेनेदेखील मजबूत गुंतवणुकीच्या वाढीच्या आधारे भारतासाठी आर्थिक विकासाचा अंदाज 6.3 टक्के राहील असे सांगितले. वित्त मंत्रालय आणि भारतीय रिझर्व्ह बँक या दोघांनी आर्थिक वर्ष 24 साठी त्यांचे 6.5 टक्के जीडीपी वाढीचे अंदाज कायम ठेवले आहेत.
तेल शिपमेंट वाढवण्यावर भर द्या
युक्रेनच्या आक्रमणानंतर भारत, चीन, तुर्की आणि संयुक्त अरब अमिराती यांसारख्या देशांना रशियन तेलाच्या शिपमेंटमध्ये वाढ झाल्याचेही आयएमएफच्या वर्ल्ड इकॉनॉमिक आउटलुक अहवालात नमूद करण्यात आले आहे. अहवालात म्हटले आहे की एप्रिल-जून 2023 दरम्यान, भारताच्या कच्च्या तेलाच्या आयातीपैकी सुमारे 35 ते 40 टक्के रशियाकडून आले, जे युक्रेनमधील युद्धापूर्वी 5 टक्क्यांपेक्षा कमी होते.
