बेळगाव : महांतेशनगर येथील बेकायदेशीर शेड महापालिकेच्या अधिकारी व कर्मचाऱ्यांनी मंगळवारी सकाळी हटविले. महापालिका आयुक्त अशोक दुडगुंटी यांनी सदर बेकायदेशीर काम असून ते पाडविण्याचे आदेश दि. 26 जून 2023 रोजी दिले होते. त्यानंतर संबंधित जागा मालकाला नोटीस बजावण्यात आली होती. मात्र त्यांनी ते बांधकाम पाडविले नाही. त्यामुळे महापालिकेच्या अधिकाऱ्यांनी मंगळवारी बांधकाम हटविले आहे. महांतेशनगर येथील सुकन्या एल. गुरव यांनी बांधकामाला रितसर परवानगी न घेताच शेड उभारले होते. याप्रकरणी महापालिका आयुक्तांनी संबंधित बांधकाम हे बेकायदेशीर असून हटविण्याबाबत नोटीस बजावली होती. त्यानंतर उत्तर विभाग सार्वजनिक बांधकाम खात्याच्या अधिकाऱ्यांनी ही कारवाई केली आहे. अशाप्रकारे शहरामध्ये अनेक बेकायदेशीर बांधकामे असून त्यावरही कारवाई करणार का? असा प्रश्न आता उपस्थित होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
