पेडणे : पत्रादेवी-पेडणे येथे तपासणी नाक्यावर अबकारी खात्याच्या अधिकाऱ्यांनी बेकायदा दारू पकडली आहे. काल शुक्रवारी दुपारी एक ट्रक (क्र. एमएच 11-9884) गोव्याहून महाराष्ट्राच्या दिशेने जात होता. अबकारी अधिकाऱ्यांना संशय आल्याने ट्रकची तपासणी केली असता बेकायदा दारू आढळली. या दारूची किंमत 22 लाख ऊपये असल्याचे सांगण्यात आले. या ट्रकमध्ये मधोमध चोरट्या दारूचे बॉक्स होते. बाजूने सिमेंटच्या विटा लावल्या होत्या, जेणेकरून पोलीस आणि अबकारी खात्याला त्याचा थांगपत्ता लागू नये. मात्र सदर ट्रक पत्रादेवी नाक्यावर आले असता पेडणे आकारी अधिकाऱ्यांनी तपासणी केली असता त्यात विविध प्रकारच्या दारूच्या बाटल्यांचे बॉक्स सापडले. याची किंमत 22 लाख ऊपये असून वाहनाची किंमत 15 लाख रुपये आहे. असा वाहनासह एकूण 37 लाखांचा मुद्देमाल जप्त केला आहे. पेडणे अबकारी कार्यालयाचे अधिकारी कमलेश माजीक, विभूती शेट्यो, विनोद बांदेकर, नितेश नाईक, दिनकर गावस, रामचंद्र आचार्य, रामनाथ गावस, सत्यवान नाईक, नितेश मळेवाडकर, विठोबा नाईक, स्वप्नील नाईक, दीपेश पऊळेकर यांनी ही कारवाई केली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
