बेळगाव : बेळगाव उत्तर विभागाच्या पोलीस महानिरीक्षकपदी नियुक्त झालेले चेतनसिंग राठोड यांनी बुधवारी आपला पदभार स्वीकारला. नववर्षाच्या पहिल्याच दिवशी त्यांनी सूत्रे स्वीकारली. विकाशकुमार विकाश यांची बेंगळूरला बदली झाली आहे. त्यांच्या जागेवर चेतनसिंग राठोड यांची नियुक्ती करण्यात आली आहे. मंगळवार दि. 31 डिसेंबर रोजी बदलीचा आदेश जारी झाला. लगेच दुसऱ्या दिवशी चेतनसिंग राठोड यांनी आपला पदभार स्वीकारला. बेळगाव उत्तर विभागातील गुन्हेगारीचा आलेख कमी करण्यासाठी प्रयत्न केले जातील, असे नूतन पोलीस महानिरीक्षकांनी सांगितले. यावेळी जिल्हा पोलीसप्रमुख डॉ. भीमाशंकर गुळेद, अतिरिक्त जिल्हा पोलीसप्रमुख श्रुती आदी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
