चेन्नई : ऑटोमोबाईल क्षेत्रातील कंपनी ह्युंडाईने आपल्या नव्या येऊ घातलेल्या एसयुव्ही गटातील एक्स्टर या मोटारीचे उत्पादन घेण्यास सुरुवात केली आहे. सदरच्या गाडीचे उत्पादन कंपनीने आपल्या तामिळनाडूत स्थित प्लांटमध्ये सुरु केले आहे. ह्युंडाई मोटर इंडिया लिमिटेडने आपल्या श्रीपेरंबुदूर या चेन्नईपासून 45 किमी अंतरावर असलेल्या कारखान्यात गाडीचे उत्पादन घ्यायला सुरुवात केली आहे. सदरच्या कारखान्यात उत्पादनाकरीता 700 रोबोटची मदत घेतली जात असून सोबत ह्युंडाईतील कुशल कर्मचारीवर्गही सहकार्य करत आहे. सदरची नवी एक्स्टर मोटार ही पुढील महिन्यात 10 जुलैला लाँच करण्याचा कंपनीचा मानस आहे. स्मार्ट इलेक्ट्रिक सनरुफची सोय या गाडीत असणार आहे. या कारमध्ये सुमारे 60 हून अधिक वैशिष्ट्यो असणार आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
