क्रीडाभरतीतर्फे राष्ट्रीय पदक विजेत्या खेळाडूंचा गौरव

बेळगाव : जागतिक योग दिनानिमित्त क्रीडा भारती बेळगाव व पतंजली योग समितीतर्फे जागतिक योग दिनाचे औचित्य साधून बेळगावातील विविध खेळातील राष्ट्रीय पदक विजेत्या खेळाडूंचा खास सत्कार करण्यात आला. गोवावेस येथील कार्पोरेशनच्या जलतरण तलावाच्या मैदानात योग दिनाचे औचित्य साधून क्रिडाभारतीतर्फे राष्ट्रीय स्पर्धेत यश संपादन केलेल्या  खेळाडूंचा सत्कार समारंभ आयोजित करण्यात आला होता. यावेळी प्रमुख पाहुणे म्हणून महापौर शोभा सोमण्णाचे, नितीन जाधव व इतर मान्यवरांच्या हस्ते राष्ट्रीय पदक विजेते खेळाडू पुढीलप्रमाणे : अॅथलेटिक्स – श्रीनाथ दळवी, अपूर्वा नाईक, वैभवी बुद्रुक, अरुण माळवी, चैतन्य कारेकर जलतरण-अनुमती चौगुले, स्वरूप धनुचे, अद्वैत दळवी, ज्योती कोरा, टेबल टेनिस- संजीव हम्मण्णवर, तनिष्का काळभैरव, ज्युडो-संजना शेठ, श्वेता अलकनूर, शबाफ्ता वालीकर, दिया पाटील, संध्या चौबे, योगासन-रमित तिप्पटनावर, व्हीलचेअर बास्केटबॉल बसपा सुंदोळी, ललिता गवस, सन्न कनिंगन्नावर, कुस्ती-सचिन शिरगुप्पी, महेश लंगोटी आदी विजेत्यांना मानचिन्ह देऊन गौरवण्यात आले. या वेळेला क्रीडा भारतीचे राज्याध्यक्ष अर्जुन पुरस्कार विजेते मुकुंद किल्लेकर,  संजीव  नाईक, परशराम मंगनाईक, नामदेव मिरजकर, मोहन पत्तार, सी. आर. पाटील, उमेश बेळगुंदकर, एच बी रुगी, रोहिणी पाटील आबा क्लबचे अध्यक्ष  शितल हुलबत्ते, राजू गडकरी सुनील हनमण्णावर, मारुती घाडी, संदीप मोहिते, ज्योती पवार, शुभांगी मंगळोरक। राजश्री पाटील, अरुण पुणेकर, मोहन बागेवाडी, पुरुषोत्तम पटेल आदी उपस्थित होते.  कार्यक्रमाची सुरुवात उपस्थित मान्यवरांच्या हस्ते दीप प्रज्वलनाने झाली. कार्यक्रमाचे सूत्रसंचालन विश्वास पवार तर आभार व्हीएस पाटील यांनी केले.