अॅशेस मालिकेतील पाचवा आणि शेवटचा सामना लंडनमध्ये खेळला जात आहे. या सामन्याच्या दुसऱ्या दिवशी शुक्रवारी स्टुअर्ट ब्रॉडने इतिहास रचला. अॅशेसमध्ये 150 विकेट घेणारा तो इंग्लंडचा पहिला गोलंदाज ठरला. तसेच अॅशेस मालिकेत सर्वाधिक विकेट्स घेणाऱ्या गोलंदाजांच्या बाबतीत त्यानश तिसऱ्या क्रमांकावर मजल मारली आहे. इंग्लंडचा दिग्गज गोलंदाज स्टुअर्ट ब्रॉडने पाचव्या कसोटीच्या दुसऱ्या दिवशी दोन बळी घेत हा कारनामा केला. अॅशेस मालिकेत आतापर्यंत ब्रॉडसह 3 गोलंदाजांनी 150 किंवा त्याहून अधिक विकेट्स घेतल्या आहेत. या यादीत अव्वलस्थानी शेन वॉर्न आहे. त्याने 36 कसोटीत 195 विकेट्स घेतल्या होत्या. तसेच, दुसऱ्या स्थानी ग्लेन मॅकग्रा असून त्याने 30 सामन्यात 157 विकेट्स घेतल्या होत्या. सक्रिय गोलंदाजांमध्ये ब्रॉडने पहिले स्थान पटकावले आहे. त्याच्यानंतर जेम्स अँडरसन 116 विकेट्ससह चौथ्या स्थानी आहे.
Tarun Bharat Portal
Parasharam Patil is a versatile content writer, scriptwriter, and content producer at Tarun Bharat Media. Specializes in editorial news, local news entertainment, and political content. His captivating storytelling and deep industry knowledge make him an expert in crafting engaging narratives.
Related Posts
