बेळगाव : फोल्डिंगचा चाकू घेऊन फिरणाऱ्या एका तरुणाला शनिवारी मार्केट पोलिसांनी मध्यवर्ती बसस्थानकावर अटक केली आहे. बसवराज यल्लाप्पा बरमनी (रा. बसवनगर हिरेबागेवाडी) असे त्याचे नाव असून त्याच्याकडून एक फोल्डिंगचा धारदार चाकू जप्त करण्यात आला आहे. गेल्या काही दिवसांपूर्वी मध्यवर्ती बसस्थानकावर बसमधील खिडकीजवळच्या शीटजवळ बसण्यावरून झालेल्या वादावादीवेळी एका तरुणावर धारदार शस्त्राने हल्ला करण्यात आला होता. तेव्हापासून पोलीस आयुक्त भूषण बोरसे यांनी अँटी स्टॅबिंग स्क्वॉडची स्थापना केली आहे. त्यामुळे पोलिसांची पथके विविध ठिकाणी थांबून महाविद्यालयीन विद्यार्थी त्याचबरोबर संशयितांची झडती घेत आहेत. त्याचप्रमाणे शनिवारी दुपारी 12.30 च्या दरम्यान मध्यवर्ती बसस्थानकावर वरील संशयिताची झडती घेतली असता त्याच्याकडे एक फोल्डिंगचा चाकू आढळून आला. त्यामुळे पोलिसांनी सदर चाकू जप्त करून त्याच्यावर गुन्हा दाखल केला आहे. पोलीस उपनिरीक्षक विठ्ठल हावण्णावर व त्यांच्या सहकाऱ्यांनी ही कारवाई केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
