हिंदुत्व केवळ भाजपची मालमत्ता नाही !

कारवार : हिंदुत्व केवळ भाजपची मालमत्ता नाही. मी हिंदू आहे. माजी मुख्यमंत्री सिद्धरामय्या हिंदू आहेत. काँग्रेसच्या काय काय आहे हे भाजपवाल्यांनी आणि प्रसिद्धी माध्यमांनी पाहिलेच नाही, असा दावा कर्नाटक प्रदेश काँग्रेस समितीचे अध्यक्ष डी. के. शिवकुमार यांनी केला. ते कुमठा-होन्नावर मतदारसंघातील काँग्रेसचे उमेदवार निवेदीत अल्वा यांच्या प्रचारासाठी आले असता पत्रकारांशी बोलत होते. हनुमान जन्मस्थळी स्वतंत्र प्राधिकारची रचना करण्यात येईल. अंजनेय देवस्थानच्या नावाने युवकांना बलशाली बनविण्यासाठी तालीम उभारण्याचे काम काँग्रेसकडून होईल. जशी हिंदुत्व ही कुणाची मालमत्ता नाही त्याप्रमाणे हनुमानही कुणाची मालमत्ता नाही. मी शिव, शिवकुमार इतकी वर्षे भाजपवाल्यांनी काय केले? असा प्रश्न त्यांनी उपस्थित केला.