बेळगाव : रविवारपेठ येथे उभारण्यात आलेल्या हायटेक पे अॅण्ड युज टॉयलेटचे बुधवार दि. 8 रोजी लोकार्पण केले जाणार आहे. असे प्रभाग क्रमांक 4 चे नगरसेवक जयतीर्थ सौदत्ती यांनी कळविले असून सकाळी 11 वाजता हा उद्घाटन कार्यक्रम होणार आहे. प्रभाग क्र. 4 मध्ये यापूर्वी असलेले स्वच्छतागृह जीर्ण झाले होते. त्यामुळे रविवारपेठ येथील व्यापारी, हमाल व इतरांना समस्यांना तोंड देण्याची वेळ आली होती. ही बाब लक्षात घेत नगरसेवक जयतीर्थ सौदत्ती यांनी तेथील जुने स्वच्छतागृह पाडून नवीन स्वच्छतागृहे उभारण्यासाठी महानगरपालिकेकडे पाठपुरावा चालविला होता. त्यानुसार स्वच्छ भारत व महापालिकेच्या निधीतून उभारण्यात आलेल्या हायटेक स्वच्छतागृहाचे काम पूर्ण झाले आहे. बुधवारी हायटेक पे अॅण्ड युज टॉयलेटचे लोकार्पण केले जाणार आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
