बेळगाव : शहराचा विस्तार वाढत असल्याने हेस्कॉमकडून शहरात पाच ठिकाणी नवीन ट्रान्स्फॉर्मर कार्यान्वित करण्यात आले. या नव्या ट्रान्स्फॉर्मरचा शुभारंभ बेळगाव उत्तरचे आमदार असिफ सेठ व हेस्कॉमचे कार्यकारी अभियंता मनोहर सुतार यांच्या हस्ते झाला. नव्या ट्रान्स्फॉर्मरमुळे वीजपुरवठ्याची समस्या कमी होणार आहे. एकाच ट्रान्स्फॉर्मरवर भार पडल्याने अनेक वेळा विजेच्या समस्या निर्माण होत होत्या त्यामुळे शहरात नव्या ट्रान्स्फॉर्मरची गरज निर्माण झाली होती अमननगर, समर्थनगर व खंजर गल्ली येथे नवीन ट्रान्स्फॉर्मर बसविण्यात आले. मागील अनेक दिवसांपासून नागरिकांकडून मागणी केली जात असल्याने तातडीने हे काम पूर्ण करण्यात आले त्यामुळे रहिवाशातून समाधान व्यक्त होतआहे. यावेळी साहाय्यक कार्यकारी अभियंता सुमंगला बजंत्री, सेक्शन ऑफिसर संतोष हैबत्ती, कर्मचारी रवी यांच्यासह इतर अधिकारी व नागरिक उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
