बेळगाव : गणेशोत्सवाच्या पार्श्वभूमीवर हेस्कॉमकडून शहरातील ट्रान्स्फॉर्मर व वीज वाहिन्यांची दुरुस्ती केली जात आहे. मंगळवारी सरदार्स कॉलेज परिसरातील ट्रान्स्फॉर्मर दुरुस्त करण्यात आला. याच परिसरातून विसर्जन मिरवणूक निघते, त्यासाठी पूर्वतयारी केली जात आहे. बेळगावमध्ये मोठ्या उत्साहात गणेशोत्सव साजरा केला जातो. विसर्जन मिरवणुकीवेळी हजारो नागरिक सहभागी होत असल्याने त्यांची गैरसोय होऊ नये यासाठी हेस्कॉमकडून दुरुस्तीचे काम केले जात आहे. गणेशोत्सव मंडळांच्या सूचनेनुसार वीज वाहिन्यांची उंची वाढविण्यासोबत कलंडलेले वीज खांब बदलणे तसेच ट्रान्स्फॉर्मरची दुरुस्ती केली जात आहे. मंगळवारी सरदार्स कॉलेजच्या परिसरातील ट्रान्स्फॉर्मर बदलण्यात आला. वारंवार तक्रार येत असल्याने त्या ठिकाणी दुसरा ट्रान्स्फॉर्मर बसविण्यात आला. यामुळे नागरिकांमधून समाधान व्यक्त करण्यात येत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
