बेळगाव : रेल्वेमार्गाचे विद्युतीकरण करण्यात येत असल्याने रेल्वेगेटवरून अवजड वाहने वाहतूक करू नये, यासाठी रेल्वेगेटवर हाईट गेज बसविण्यात येत आहेत. टिळकवाडी येथील पहिले रेल्वेगेट येथे असा गेज बसविण्यात आला असून यामुळे अवजड वाहनांना एका बाजूने दुसऱया बाजूला जाता येणार नाही. मिरज ते लोंढा या रेल्वेमार्गाचे विद्युतीकरण केले जात आहे. इंधनाची बचत होऊन प्रवासाचा कालावधी कमी व्हावा यासाठी या पुढील काळात विद्युत इंजिनवर रेल्वे धावणार आहेत. बेळगाव परिसरात विद्युतीकरणाचे काम प्रगतिपथावर आहे. रेल्वेगेटवर कोणतेही अवजड वाहन येऊन विद्युतवाहिन्यांचा स्पर्श होऊन अपघात घडू नये यासाठी रेल्वेगेटवर हाईट गेज बसविण्यात येत आहेत. हायव्होल्टेजचा विद्युतपुरवठा असल्याच्या सूचना करण्यात आल्या आहेत. त्यामुळे अवजड वाहनांना आता एका बाजूने दुसऱया बाजूला जाता येणार नाही.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
