नवी दिल्ली : केंद्रीय गृहराज्यमंत्री निशिथ प्रामाणिक यांच्या विरोधात 2018 मध्ये नेंद हत्येच्या प्रयत्नाच्या गुन्ह्याप्रकरणी अंतरिम जामिनाची मागणी करणाऱ्या याचिकेवर आज सुनावणी होणार आहे. सर्वोच्च न्यायालयात ही सुनावणी पार पडणार आहे. न्यायाधीश बेला त्रिवेदी आणि पंकज मित्तल यांच्या खंडपीठाने पश्चिम बंगाल सरकारला नोटीस बजावली आहे. तसेच प्रामाणिक यांचे वकील पी.एस. पटवालिया यांना राज्याच्या वकिलांना याचिकेची प्रत देण्यास सांगण्यात आले आहे. कलकत्ता उच्च न्यायालयाच्या जलपाईगुडी खंडपीठाच्या 4 जानेवारीच्या आदेशाला आव्हान देणारी याचिका प्रामाणिक यांनी सर्वोच्च न्यायालयात दाखल केली आहे. उच्च न्यायालयाने प्रामाणिक यांना अंतरिम जामीन देण्यास नकार दिला होता. पश्चिम बंगालमधील स्थिती अत्यंत अस्थिर आहे, संबंधित प्रकरणी अटक केली जाण्याची शक्यता आहे, कृपया अटकेपासून सुरक्षा प्रदान करा असे प्रामाणिक यांच्या वतीने वकील पटवालिया यांनी सुनावणीदरम्यान म्हटले आहे. प्रामाणिक यांच्या विरोधात 2018 मध्ये पश्चिम बंगालच्या कूच बिहार जिल्ह्यात दिनहाटा पोलीस स्थानकात हत्येच्या प्रयत्नाचा गुन्हा नोंदविण्यात आला होता.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
