Satara Political News : पाटण तालुक्यातील जनता सुज्ञ आहे.जनतेच्या भावनांचा अनादर करुन मंत्री शंभूराज देसाई यांना मंत्रीपदाची संधी मिळाली आहे. हा तालुक्याचा बहुमान आहे का की जनभावनेच्या विरोधात गेलेल्या अजून एका निर्णयाचे पाऊल आहे हे येणाऱ्या निवडणूकांमध्ये जनताच त्यांना जागा दाखवून देतील,असा टोला शिवसेनेचे जिल्हा प्रमुख हर्षद कदम यांनी राज्याचे मंत्री शंभूराज देसाई यांच्यावर लगावला.
पाटण तालुक्याला पुन्हा मंत्रीपद मिळाल्याने एका बाजूला जल्लोष साजरा होत असताना शिवसेनेचे जिल्हा प्रमुख हर्षद कदम यांनी मात्र,त्याबाबत रोखठोक प्रतिक्रिया देत मंत्री देसाई यांच्यावर टोला लगावला आहे. पाटण तालुक्याला मिळालेली मंत्रीपदाची संधी हा तालुक्याचा बहुमान आहे का जनभावनेच्या विरोधात गेलेल्या अजून एका निर्णयाचे पाऊल आहे. हे थोडय़ाच दिवसात येणाऱ्या निवडणूकांमध्ये आपल्याला कळेलच.त्यांना मंत्रीपद मिळाल्याचा कोणताही शिवसेना पक्षाला कोणताही फरक पडलेला नाही आणि फरक पडणार नाही.
जिह्यातील आणि तालुक्यातील शिवसैनिक हा ठामपणे पक्षप्रमुख उद्धवजी ठाकरे साहेब, युवा सेना प्रमुख आदित्य ठाकरे साहेब यांच्या मागे खंबीरपणे उभा आहे. जिह्यातील संघटनात्मक बांधणीला खूप चांगला प्रतिसाद आहे.सभासद नोंदणी, प्रतिज्ञापत्र आहे. लोकांना सक्रीय करणे, नवीन लोकाना पक्षात घेणे, व्यापक पद्धतीने बांधणी असे काम सुरु आहे, असेही जिल्हा प्रमुख हर्षद कदम यांनी सांगितले.
Abhijeet Khandekar
Meet Abhijeet Khandekar : a versatile content writer, scriptwriter, and content producer at Tarun Bharat Media. With a Master's degree in Journalism from Shivaji University, Abhijeet specializes in political news, entertainment, and local content. His captivating storytelling and deep industry knowledge make him an expert in crafting engaging narratives. Connect with Abhijeet for collaborations and captivating content that informs and entertains.
Related Posts
