खानापूर कुस्ती संघटनेच्या अध्यक्षपदी हणमंत गुरव; कार्याध्यक्षपदी राजाराम गुरव

खानापूर : खानापूर तालुका कुस्तीगीर संघटनेची बैठक येथील कवळेमठ येथे लक्ष्मण बामणे यांच्या अध्यक्षतेखाली रविवार दि. 16 रोजी पार पडली. या बैठकीत कुस्तीगीर संघटनेच्या पदाधिकाऱ्यांची सर्वानुमते निवड करण्यात आली. तसेच यावर्षीच्या कुस्ती आखाड्याबाबत चर्चा करण्यात आली. कुस्तीगीर संघटनेच्या अध्यक्षपदी हणमंत गुरव यांची तर उपाध्यक्षपदी रुद्राप्पा हंडोरी, सेक्रेटरीपदी सदानंद होसूरकर, कार्याध्यक्षपदी राजाराम गुरव, खजिनदार म्हणून लक्ष्मण झांजरे यांची एकमताने निवड करण्यात आली. बैठकीत मागील वर्षाचा अहवाल आणि हिशोब सादर करण्यात आला. तसेच यावर्षी कुस्ती आखाडा भरवण्याबाबत चर्चा करण्यात आली. सर्वानुमते मे महिन्याच्या अखेरीस राष्ट्रीय, आंतरराष्ट्रीय स्तरावरील पैलवानाना पाचारण करून कुस्ती आखाडा भरवण्याचा निर्णय घेण्यात आला. या बैठकीला कुस्तीगीर संघटनेचे पदाधिकारी पांडुरंग पाटील, यशवंत अल्लोळकर, जयवंत खानापूरकर, रामचंद्र पाटील, प्रकाश मजगावी, अर्जुन देसाई, शंकर पाटील, मधुकर पाटील, लक्ष्मण चाळगुंडे, नागाप्पा उचवडे यासह कुस्ती संघटनेचे सदस्य, कुस्तीप्रेमी नागरिक मोठ्या संख्येने उपस्थित होते.