बेळगाव : मध्यवर्ती बसस्थानकाजवळ काही विव्रेत्यांनी अतिक्रमण केले होते. त्यामुळे वाहतुकीची कोंडी निर्माण झाली होती. ये-जा करणे देखील अवघड झाले होते. त्या अतिक्रमणावर महापालिकेने शुक्रवारी हातोडा मारला आहे. यावेळी वादावादीही झाली. मात्र महापालिकेच्या अतिक्रमण पथकाने रस्त्यावरील अतिक्रमण हटविले आहे. मध्यवर्ती बसस्थानकाच्या परिसरात फेरीवाले, बैठे व्यापारी याचबरोबर काही विक्रेत्यांनी पदपथासह रस्त्यावरही अतिक्रमण केले आहे. त्यामुळे नागरिकांतून तक्रारी वाढल्या होत्या. अतिक्रमण हटवावे, अशी मागणी वारंवार केली होती. त्यामुळे शुक्रवारी ही कारवाई करण्यात आली. काही खोके आणि साहित्य देखील महापालिकेच्या कर्मचाऱ्यांनी जप्त केले आहे. यावेळी पोलिसांचे सहकार्य देखील घेण्यात आले होते. या परिसरात अतिक्रमण करुनही महापालिकेच्या कर्मचाऱ्यांवरच दादागिरी करण्याचा प्रकार वारंवार घडला आहे. येथील संपूर्ण अतिक्रमण हटवावे, अशी मागणी होत आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
