हलगेकर कुस्ती समितीतर्फे फेब्रुवारीत कुस्ती मैदान

बेळगाव : बेळगाव येथील कै. चुडाप्पा हलगेकर कुस्ती प्रोत्साहन समितीची वार्षिक बैठक विमल ग्रुपच्या सभागृहात पार पडली. बैठकीच्या अध्यक्षस्थानी शंकर मुचंडी होते. अशोक हलगेकर यांनी मागील बैठकीचा आढावा घेतला व रौप्य महोत्सवी वर्षानिमित्त कुस्ती दंगल मोठ्या प्रमाणात आयोजिले होते त्याबद्दल आभार मानले. गेली 25 वर्षे हलगेकर कुस्ती समितीतर्फे आनंदवाडीच्या आखाड्यामध्ये कुस्ती मैदान भरून मल्लविद्या जिवंत ठेवण्याचे काम करत आहे. कुस्ती बरोबरच दंड बैठका खो-खो व कबड्डी अशा विविध खेळांचे सुद्धा आयोजन करण्यात येणार आहे. कुस्ती कोच माऊती घाडी, प्रभाकर हलगेकर, ईश्वर पाटील, सुनील हुक्केरीकर यांनी चर्चामध्ये भाग घेऊन आपले मनोगत व्यक्त केले. बेळगावच्या सर्व सहकाऱ्यांच्या मदतीने यावर्षीचे कुस्ती मैदान यशस्वी करू, असे अशोक  हलगेकर यांनी सांगितले. शंकर मुचंडी यांनी ग्रामीण भागातील कुस्ती परंपरा जिवंत ठेवण्याचे काम आमची संघटना करत आहे. यावर्षी सुद्धा ग्रामीण भागातील मल्लांना आम्ही प्रोत्साहन देणार आहे. याप्रसंगी बैठकीला सदानंद हलगेकर, विनोद जाधव, आनंद जांबोटकर, धनंजय हदगल, शिवाजी पाटील, अऊण पाटील, राजू जाधव, विनोद मोहिते, राजू चौगुले, मनोहर प्रधान, संजय चौधरी आदी कार्यकर्ते उपस्थित होते.