बेळगाव : जितो बेळगाव युथ विंग आयोजित जितो चषक जैन समाज मर्यादीत जिल्हास्तरीय व्हॉलीबॉल स्पर्धेला मोठ्या उत्साहात प्रारंभ झाला. जिल्हा क्रिडांगणावर आयोजित केलेल्या या स्पर्धेत आशिश मगदुम, अनिकेत (मॅक्स), वीरधवल उपाध्ये, सुनिल बस्तवाड, इशान पोरवाल, शितल रामशेट्टी, वैभव मेहता यांनी ही स्पर्धा पुरस्कृत केली आहे. या व्हॉलीबॉल स्पर्धेचे उद्घाटन जितो युथ विंगच्या पदाधिकारी वीरधवल उपाध्ये, अशोक कटारीया, दीपक सुभेदार, सुकुमार जिनगौडा, हर्षवर्धन शिंगाडे, शंकर कोलकार, एस. टी. पाटील, राजु चौगले, उमेश मजुकर, भरत अगशीमनी आदी उपस्थित होते. मान्यवरांच्याहस्ते रोपट्याला पाणी घालून व नेटवरील चेंडूचे फित सोडून स्पर्धेचे उद्घाटन करण्यात आले. या स्पर्धेत हलगा अ, बस्तवाड, अलारवाड अ, कुडची, जैन सेवा संघ, मानिकबाग बोर्डींग, अलारवाड बी, हलगा ब आदी संघानी सहभाग घेतला होता. या स्पर्धेत 8 संघ, दोन गटात विभागण्यात आले होते. साखळी पध्दतीचे सामने या दोन्ही गटात खेळविण्यात आले. हलगा अ व अलारवाड, तर दुसऱ्या गटात अलारवाड ब व माणिकबाग बोर्डीग संघानी उपांत्यफेरीत प्रवेश केला आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
