पॅरेंट्स चषक क्रिकेट स्पर्धा
क्रीडा प्रतिनिधी /बेळगाव
युनियन जिमखाना आयोजित अकरा वर्षाखालील मुलांच्या पेरेंट्स चषक क्रिकेट स्पर्धेत उदघाटन दिवसी युनियन जिमखाना संघाने सलग दोन सामने जिंकत अंतिम फेरीत प्रवेश केला आहे. तर लायाज क्रिकेट अकॅडमी व अर्जुन स्पोर्ट्स संघानी विजय संपादन करुन विजयी सलामी दिली. फरहान शेख, मिताली अर्कसाली, विवान भूसद,स्वयं खोत यांना सामनावीर पुरस्कार देण्यात आला.
सकाळी झालेल्या उद्घाटन समारंभात प्रमुख पाहुणे डॉ. प्रकाश पाटील यांच्या हस्ते यष्टीचे पूजन करुन स्पर्धेचे उद्घाटन करण्यात आले. यावेळी चंदन कुंदरनाड, रोहित पोरवाल, ताहीर सराफ, मिलिंद चव्हाण, प्रशांत लायंदर, रवी पिल्ले, सचिन साळुंखे, परशराम पाटील, अनिल गवी आदी मान्यवर उपस्थित होते. पहिल्या सामन्यात युनियन जिमखाना संघाने लायाज क्रिकेट अकॅडमी संघाचा सहा गड्यांनी पराभव केला. प्रथम फलंदाजी करताना लायाज अकादमी संघाने 25 षटकात 8 बाद 130 धावा केल्या. त्यात स्वयं खोतने 35, कनिष्क बेनकट्टीने 24, एस चौगुलेने 26 धावा केल्या. युनियन जिमखाना तर्फे मोहम्मद अब्बास 2 गडी बाद केले. प्रत्युतरादाखल खेळताना युनियन जिमखाना संघाने 19.3 षटकात 131 धावाकरुन सामना जिंकला. त्यात विवान भूसदने नाबाद 47, फरहान शेखने नाबाद 39 धावा केल्या.
दुसऱ्या सामन्यात अर्जुन स्पोर्ट्स संघाने एडिफाय संघाचा पाच गड्याने पराभव केला. प्रथम फलंदाजी करताना एडीफाय संघाने 25 षटकात 7 बाद 152 धावा केल्या. त्यात विराज पाटीलने 40, शुभमने 21 धावा केल्या. अर्जुन स्पोर्ट्सतर्फे आयुष माळवी व मिताली अर्कसाली यांनी प्रत्येकी 2 गडी बाद केले. प्रत्युतरादाखल खेळताना अर्जुन स्पोर्ट संघाने 21.3 षटकात 5 बाद 156 धावा करुन सामना 5 गड्यांनी जिंकला. त्यात मिताली अर्कसालीने 23, अर्णव यादवने 25, श्रीहरीने 17 धावा केल्या.
तिसऱ्या सामन्यात युनियन जिमखाना संघाने एडिफाय संघाचा 77 धावांनी पराभव केला. प्रथम फलंदाजी करताना युनियन जिमखाना संघाने 25 षटकात 9 बाद 186 धावा केल्या. त्यात विवान भूसदने 77, मोहम्मद अब्बासनश 17 धावा केल्या शुभम याने 2 गडी बाद केले. प्रत्युतरादाखल खेळताना एडिफाय संघाने 25 षटकात 9 बाद 109 धावाच केल्या. त्यात सिद्रायने 28 धावा केल्या.
युनियन जिमखाना तर्फे सुहास हिरेकोडी व विवान यांनी प्रत्येकी 2 गडी बाद केले. चौथ्या सामन्यात लायाज क्रिकेट अकॅडमी संघाने अर्जुन स्पोर्टस संघावर 8 गड्यांनी विजय मिळवला.
प्रथम फलंदाजी करताना अर्जुंन स्पोर्ट्स संघाने 25 षटकात 6 बाद 110 धावा केल्या. त्यात स्मितराज पोरवाल 20 धावा केल्या. स्वयं खोतने 3 गडी बाद केले. प्रत्युतरादाखल खेळताना लायाज अकादमी संघाने.14.3 षटकात 2 बाद 114 धावा करुन सामना 8 गड्यानी जिंकला. त्यात स्वयं खोत 37, खंडू पाटीलने 21 धावा केल्या.
