लंडनमध्ये केले जातेय चित्रिकरण
अभिनेता गुलशन देवैया अलिकडेच ‘8एम’ हा चित्रपट तसेच ‘दहाड’ या वेबसीरिजमध्ये दिसून आला होता. आता तो ‘उलझ’ या चित्रपटात काम करत आहे. या चित्रपटात गुलशन हा अभिनेत्री जान्हवी कपूरसोबत एक विशेष भूमिका साकारत आहे. या चित्रपटाचे चित्रिकरण सध्या लंडनमध्ये केले जात आहे. जान्हवी कपूरसोबत गुलशन पहिल्यांदाच काम करत आहे. या चित्रपटात दाक्षिणात्य अभिनेता रोशन मॅथ्यू देखील महत्त्वाची भूमिका साकारत आहे.
उलझ या चित्रपटात दमदार भूमिका साकारण्याची संधी मिळाली आहे. या चित्रपटासंबंधी मी अत्यंत उत्साहित असल्याचे गुलशनने म्हटले आहे. जान्हवी यापूर्वी ‘मिली’ या चित्रपटात दिसून आली होती. या चित्रपटाला फारसा प्रतिसाद मिळाला नसला तरीही जान्हवीच्या अभिनयाचे कौतुक झाले होते.
‘उलझ’ हा चित्रपट देशभक्तीवर आधारित स्पाय थ्रिलर धाटणीचा आहे. उलझ या चित्रपटात कम्फर्ट झोनमधून बाहेर पडत काम करावे लागले आहे. अशाप्रकारच्या भूमिकांचा मला नेहमीच शोध असतो असे जान्हवीचे म्हणणे आहे. या चित्रपटाचे दिग्दर्शन सुधांशू सरिया करत आहेत. सरिया यांना ‘नॉक नॉक नॉक’ या लघूपटासाठी राष्ट्रीय पुरस्कार मिळाला होता. या चित्रपटात जान्हवी, गुलशन आणि रोशन मॅथ्यू यांच्यासाब्sात राजेश तैलंग, मियांग चांग, सचिन खेडेकर, राजेंद्र गुप्ता तसेच जितेंद्र जोशी मुख्य भूमिका साकारत आहे.
