माजी खासदार मंगला अंगडी यांच्या फंडातून विजयनगर येथे बसस्थानकाचे भूमिपूजन

हिंडलगा : येथील विजयनगर दुसरा स्टॉप या ठिकाणी बऱ्याच दिवसापासून बसस्थानकाची  मागणी होती, याची दखल माजी खासदार मंगला अंगडी यांनी घेऊन आपल्या फंडातून बसस्थानक मंजूर केले होते. या ठिकाणी बसस्थानक होण्यासाठी ग्रा.पं. माजी सदस्य कै. अजित हलकर्णी यांनी बरेचशे प्रयत्न केले होते. त्या अनुषंगाने हे बसस्थानक मंजूर केले होते. याचा भूमिपूजन व पायाखोदाई कार्यक्रम दि. 25 रोजी पार पडला. याप्रसंगी उपस्थितांचे स्वागत ग्रा. पं. सदस्य रामचंद्र मन्नोळकर यांनी केले. यावेळी खासदार मंगला अंगडी यांच्या हस्ते भूमिपूजन करून पायाखोदाईचा शुभारंभ करण्यात आला. याप्रसंगी भाजपचे पदाधिकारी धनंजय जाधव, विनय कदम, निवृत्त मुख्याध्यापक अमृतराव देसाई यांनी शुभेच्छा दिल्या. या कार्यक्रमाला ग्रा. पं. उपाध्यक्षा चेतना अगसगेकर, सदस्या रेणू गावडे, स्नेहल कोलेकर, सुमन राजगोळकर, भाग्यश्री कोकितकर, आरती कडोलकर, लता उसुलकर, संगीता पलंगे, लक्ष्मी परमेकर, सदस्य निर्मल धाडवे, प्रसाद पेडणेकर उपस्थित होते. ग्रा. पं. सदस्य मिथुन उसुलकर यांनी आभार मानले. नागरिक मोठ्या संख्येने उपस्थित होते.