आळते / वार्ताहर
हातकणंगले येथे प्रशासनाच्या वतीने लोकराजा राजर्षी शाहू महाराज कृतज्ञता पर्वा निमित्त आज दि. ६ मे रोजी सकाळी दहा वाजता शंभर सेकंद स्तब्ध राहुन अभिवादन करून कृतज्ञता व्यक्त करण्यात आली.
सकाळी साडेनऊ वाजता हातकणंगलेच्या तहसिलदार कल्पना ढवळे-शिंदे व पोलीस निरीक्षक महादेव तोंदले सर्व स्टाफसह अभिवादन स्थळी हजर झाले. पोलीसांनी हातकणंगले येथील बस स्टॅण्ड समोरून सांगली-कोल्हापुर मार्गावरील वाहतूक थांबवली. त्यानंतर तहसिलदार कल्पना ढवळे- शिंदे यांनी स्पीकरवरून शंभर सेकंद स्तब्ध राहून कृतज्ञता व्यक्त करण्याची विनंती केली. यावेळी दहा वाजता शेकडो नागरिकांनी स्तब्धता पाळून कृतज्ञता व्यक्त केली . त्यानंतर पोलिसांनी वाहतूक सुरळीत केली .
